Kulturhistorisk sykkeltur i sørre delen av Etnedal m/Seniorgruppa

Fellestur

Dato
14. juli kl. 10:00 - 16:00
Vanskelighetsgrad
Middels  
Passer spesielt for
Voksne, Seniorer
Arrangører
DNT Valdres, Seniorgruppa Valdres
Turområde
Hadeland, Gjøvik og Land, Langsua (Huldreheimen) (se kart)

Kor godt kjenner du Etnedal? Bli med på ein kulturhistorisk sykkeltur i Etnedal med Torodd Lybeck som kjentmann og forteljar. 

Turen startar ved Skogtun forsamlingslokale 200 m sør for Bruflat. Der frå kryssar vi elva Etna og følgjer bygdevegen sørover. Vi er innom den gamle mølla, syklar til Klevgard, så vidare til Wold og så til Lundebrue. Her blir det ein lengre stopp med orientering om brua, oppgangssaga, tømmerfløyting, kanalisering av elva og ikkje minst om Sigurd Lybeck og forfattarskapen hans. Etter det syklar vi på vestre elveryggen («Sigurd Lybecks veg») til vi kjem til campingplassen. Her blir det ein lengre pause. Det kan vera mogeleg å kjøpa mat og drikke der, men ta like vel med deg niste og drikke.  Så syklar vi tilbake til Hellebrufossen, enten på fylkesvegen eller på elveryggen. Frå Hellebrufossen syklar vi på skogsveg til Wold og der frå tilbake via Klevgard eller på fylkesvegen tilbake til start. Kanskje blir det tid til ein liten runde i Bruflat sentrum til slutt.  

Turen er på ca. 30 km. Det meste av turen er lettsykla, men til og frå Klevgård er det bratte kneikar. (Det er lov å trilla sykkelen der.) Det er både asfaltert veg, grusveg og skogsveg på turen. 

 Du kan bruka vanleg sykkel. Racersykkel eignar seg ikkje. Sykkelen må vera i god stand, men ta med sykkelpumpe og lappesaker.  

Du bør vera i normalt god fysisk form. Kle deg for veret slik det er denne dagen. Ta med godt med niste og drikke. Turen kan blir justert alt etter veret og ev. andre forhold. 

Frammøte ved Shell på Fagernes kl. 10.00 eller på Skogtun forsamlingslokale  kl. 10.45. Vil du slutta deg til oss mellom Fagernes og Etnedal, ring turleiar på 48142002 før kl. 10.00 turdagen. 

Kartblad Fagernes  Norgesserien 10049 1: 50 000 

Kulturhistorisk sykkeltur i sørre delen av Etnedal m/Seniorgruppa

Kor godt kjenner du Etnedal? Bli med på ein kulturhistorisk sykkeltur i Etnedal med Torodd Lybeck som kjentmann og forteljar.  Turen startar ved Skogtun forsamlingslokale 200 m sør for Bruflat. Der frå kryssar vi elva Etna og følgjer bygdevegen sørover. Vi er innom den gamle ...

Kontaktinformasjon:

Turleder:

  • Bjørn Vegard Johnsen