Dagstur Nørre Gluptinden - Kremtopp

Fellestur

Dato
20. juli kl. 09:00 - 18:00
Vanskelighetsgrad
Middels  
Passer spesielt for
Voksne, Ungdom, Seniorer
Turtyper
Fellestur, Fottur, Kremtopp
Arrangør
DNT Valdres
Turområde
Langsua (Huldreheimen) (se kart)
Dette arrangementet er over!

Sjå mange kjende 2000-meterstoppar I Jotunheimen frå kremtoppen Nørre Gluptinden (1555 m.o.h.)  

Denne turen er ca 15 km lang t/r og startar ved stølen Urek rett vest for fjellstova Haugseter ved den store innsjøen Vinstre. Køyr litt forbi Bygdin høgfjellshotell og ta inn på Jotunheimsvegen (bomveg 100 kr.) Køyr ca.11 km til stølen Urek. Der brukar det å vera lett å parkera. Vi følgjer DNT-stigen nordover mot Gjendesheim. Stigen er tydeleg og godt merka. Den første kilometeren er tung, men ikkje vanskeleg. Når den er unnagjort, kjem vi opp i lettare lende. Her er det fin utsikt tilbake mot Vinstre og fjella sør for den.  Vi steingår eit par bekkar. Dei siste 2 km fram til skaret mellom Nørre og Sørre Gluptinden er det etter måten flatt. I enden av skaret er det eit vidt utsyn over Valdresflye og ned mot Heimdalen.  Når vi har passert Nørre Gluptinden på vestre hand, tar vi av frå stigen og følgjer fjellryggen til topps. Oppstigninga er ca 1 km og om lag like tung som oppstigninga frå Urek. Vi følgjer same stigen tilbake til bilane. Det er ingen luftige parti på turen før vi nærmar oss toppen. Der er det ei etter måten ei stor flate. Men det er svært bratt vest, sør og aust for toppen.

Vi skal inn i snaufjellet, så du må kle deg for dette. Gode fjellstøvlar er ein fordel. Hugs at veret kan skifta brått i høgfjellet.  Ta difor også med lue, skjerf og vottar / hanskar.

Ta med godt med niste og varm drikke.  Ha med eigen antibac. Når det gjeld smittevernreglane i DNT, sjå nedanfor denne teksten.

Frammøte på Shell-stasjonen på Fagernes kl. 09.00.  Hugs avstandsregelen på  1 m også i bil for dei som ikkje høyrer til same husstanden. Dei som vil møta på Beitostølen, møter på bensinstasjonen der kl. 09.45 og ventar til vi kjem frå Fagernes. Dei som vil slutta seg til mellom Fagernes og Beitostølen, melder frå til turleiar på tlf.  48142002 ved påmelding.

Dersom veret blir for dårleg, kan turen bli avlyst. Følg med på heimesida til DNT Valdres (valdres.dnt.no).

Høgdeskilnaden frå Urek til topp-punktet er ca. 520 m.  Tidsbruken er rekna tur / retur Fagernes.

Frist for påmelding 19. juli kl. 18.00 til turleiar på tlf.  48142002

Kartblad: Turkart Øystre Slidre, Mesterkart 1:50 000

 VIKTIG

På grunn av koronapandemien følgjer DNT dei råda som myndigheitene anbefalar til ei kvar tid.  DNT har utarbeidd ein smittevernplan for all aktivitet for å sikra trygg gjennomføring av fellesturane våre. Nedanfor ser du nokre hovudpunkt i planen:

 Les dei før du melder deg på turen.  Klikk på lenka om dette lengst nede på denne sida og  les meir.

  • For å kunna vera må på tur, må ein ikkje vera smitta av korona, ikkje vera i karantene / isolasjon, ikkje ha milde symptom på luftveisinfeksjon.
  • Det er påmelding til alle turane til DNT.
  • Deltakarane må ha med antibac.
  • Deltakarane må ha med eigen mat og drikke.
  • Avstandsregel er 1 m.
  • Blir nokon sjuke av korona på turen, blir vedkommande sendt heim, og kommunelegen og kontaktpersonen i DNT Valdres blir varsla.
  • Avstandskravet gjeld også i bil for andre enn husstandsmedlemmer.

Alle turer og aktiviteter skal ha påmelding i forkant, med registrering av navn og kontaktinformasjon. For alle arrangører av offentlige arrangement stilles det strenge krav til sporbarhet ved et eventuelt smitteutbrudd, og en mer løselig registrering på oppmøtestedet er derfor ikke tilstrekkelig. Gjennom krav til påmelding holder vi også kontroll på gruppestørrelsen. Ved oppstart av turen/aktiviteten gjennomføres opprop.

https://www.dnt.no/aktiviteter-covid-19/

Dagstur Nørre Gluptinden - Kremtopp

Sjå mange kjende 2000-meterstoppar I Jotunheimen frå kremtoppen Nørre Gluptinden (1555 m.o.h.)   Denne turen er ca 15 km lang t/r og startar ved stølen Urek rett vest for fjellstova ...

Kontaktinformasjon:

Turledere:

  • Beate Sunde Knutsen
  • Bjørn Vegard Johnsen