Sykkeltur i Vassfaret m/Seniorgruppa

Fellestur

Dato
1. september kl. 09:00 - 18:00
Vanskelighetsgrad
Middels  
Passer spesielt for
Voksne, Seniorer
Turtyper
Fellestur, Sykkeltur, Vassfaret
Arrangører
DNT Valdres, Seniorgruppa Valdres
Turområde
Holleia, Vikerfjell og Vassfaret, Nordmøre med Fjordruta (se kart)
Dette arrangementet er over!

Opplev dei mest kjende stadene i Vassfaret frå sykkelsetet.

Dette er ein sykkeltur for deg som ønskjer ein noko hardare sykkeltur enn dei vi har hatt i seniorgruppa til no, men som ønskjer ein tur som ikkje er for krevjande. Vi tar oss likevel tid til å nyta naturen og har fleire stopp der vi blir kjende med Vassfaret og livet der i gammal tid.

Turen er på ca. 40 km.  Vi startar syklinga ved Aurdalsetra og passerer kjende stader som Aurdalsdammen Skrukkefyllhaugen, Nevlingdammen, Amundheimen og Vassfarplassen.  Vi syklar langs mange innsjøar m.a. Aurdalsfjorden, Nevlingen, Nedre og Øvre Grunntjern. Turen endar ved sørenden av Suluvatnet. Her har vi ein lengre pause før vi syklar same vegen tilbake.

Vegen vi skal sykla på, er dels god skogsbilveg, god skogsveg, og litt meir utfordrande traktorveg.

Traseen vekslar mellom lange flate parti, slake stigningar, og ein del bratte, men ikkje for lange kneikar.

Du må ha sykkel i god stand, gjerne hybrid eller trerrengsykkel. Racersykkel eignar seg ikkje. Vi skal inn i Indre Vassfaret landskapsvernområde, og på grunn av vernebestemminga kan vi ikkje bruka elektrisk sykkel på turen. Det er svært variabel mobildekning i området vi skal sykla i.

Frammøte ved Shell på Fagernes kl. 09.00.  Vi køyrer bil via Bagn, Tollefsrud, over til Hedalen og ned til Øvre Fossholt. Der frå tar vi bomveg (kortautomat) inn i Vassfaret til Aurdalsetra.  Det er ca. 90 km frå Fagernes.

Dei som ønskjer å slutta seg til sør for Fagernes, melder frå om det når dei melder seg på.

Påmelding til Bjørn Vegard Johnsen tlf. 48142002 seinast søndag 30. august kl. 19.00. NB! Det må vera påmeldt minst 2 deltakarar for at vi gjennomfører turen.

Utstyr deg for ein lang dag ute. Hugs sykkelhjelm, lappesaker og sykkelpumpe. Ha gjerne med ekstra sykkelslange.  Ta med godt med mat og drikke.

VIKTIG

På grunn av koronapandemien følgjer DNT dei råda som myndigheitene anbefalar til ei kvar tid.  DNT har utarbeidd ein smittevernplan for all aktivitet for å sikra trygg gjennomføring av fellesturane våre. Nedanfor ser du nokre hovudpunkt i planen:

 Les dei før du melder deg på turen.  Klikk på lenka om dette lengst nede på denne sida og les meir.

  • For å kunna vera må på tur, må ein ikkje vera smitta av korona, ikkje vera i karantene / isolasjon, ikkje ha milde symptom på luftveisinfeksjon.
  • Det er påmelding til alle turane til DNT.
  • Deltakarane må ha med antibac.
  • Deltakarane må ha med eigen mat og drikke.
  • Avstandsregel er 1 m. (På denne turen gjeld det å ha min. 5 m. avstand når vi syklar, elles 1 m.)
  • Blir nokon sjuke av korona på turen, blir vedkommande sendt heim, og kommunelegen og kontaktpersonen i DNT Valdres blir varsla.
  • Avstandskravet gjeld også i bil for andre enn husstandsmedlemmer.

https://www.dnt.no/aktiviteter-covid-19/

Sykkeltur i Vassfaret m/Seniorgruppa

Opplev dei mest kjende stadene i Vassfaret frå sykkelsetet. Dette er ein sykkeltur for deg som ønskjer ein noko hardare sykkeltur enn dei vi har hatt i seniorgruppa til no, ...

Kontaktinformasjon:

Turledere:

  • Bjørn Vegard Johnsen
  • Torkjell Haugen